Il-jiem jiqsaru
Ix-xogħol jiżdied
Il-ħin jonqos
It-temp jikrieh
Dagħdigħa mit-Tnejn sal-Ħadd
Il-Ħadd Filgħaxija miraġġ ta’ tama

Dalwaqt

Id-duo lokali Mistura għadu kif nieda kanzunetta ġdida wara assenza ta’ erba’ snin. Bl-isem “Grazzi bil-Quddiem”, din hija karba għall-kwiet u s-sliem wara ġurnata fil-ġenn u l-istorbju. Il-kanzunetta, bil-Malti bħar-repertorju kollu tagħhom, ittellgħet fuq YouTube u tinsab hawn: https://www.youtube.com/watch?v=asHLVA7aYG8.

Mistura ddebuttaw fl-2012 fil-festival tal-Għanja tal-Poplu fejn ħadu l-premju WAFA għall-aqwa talent ġdid. Minn dak iż-żmien ’l hawn huma daqqew f’diversi postijiet, fosthom Rock the South, Teatru Unplugged, il-Farsons Great Beer Festival, l-Evenings on Campus, Notte Bianca u Kotra. Mistura ħarġu tliet studio albums, li huma “U d-Dinja Tkompli Ddur” (2014), “Regħbus” (2018) u MMXX (2020) flimkien ma’ album live bl-isem “U l-Kotra Għajtet f’Daqqa” (2016). Aktar misturamalta.com.

Xi ħaġa ġdida dalwaqt. Komplu segwuna. Grazzi bil-quddiem.

Din id-darba m’hemmx ċimbli, ċirimelli u stqarrijiet għall-istampa biex taparsi jġibuna fl-aħbarijiet. Hawn hi l-kanzunetta l-ġdida tagħna – jekk togħġobkom xerrdu l-kelma, agħmlu share u qajmu diskussjoni fuq is-suġġetti li nirreferu għalihom. Kultant l-aħjar Mistura hi li ma nħallux kollox taħt it-tapit imma li nitkellmu fejn hemm il-problema. Fejn qed insofru fil-kwiet imma ma nitkellmux għax naħsbu li waħedna. U nħallu erbat iċwieċ jitnejku bina f’wiċċna. Kemm tiklikkja biex tara l-lyric video.

Id-duo lokali Mistura għadu kif ħabbar it-tnedija ta’ kanzunetta ġdida bl-isem “Nifs”, li hija l-ewwel waħda wara l-album Regħbus li ħareġ fl-2018. B’tema sajfija, Mistura jiddeskrivu dan l-istaġun partikolari tal-2020 bħala “nifs bejn mewġa u oħra”. Il-kanzunetta, li ttellgħet fuq YouTube b’video mużikali li fih il-kliem tal-kanzunetta, tinsab hawn: https://youtu.be/p72lUQ6dEk4

“Intqal ħafna dwar dak kollu li qiegħed jiġri madwarna din is-sena straordinarja, u aħna m’għandna xi nzidu xejn ħlief li forsi noħolqu ftit ironija mis-sitwazzjoni preżenti b’din il-kanzunetta li nisperaw li tintgħoġob.”

Mistura ddebuttaw fl-2012 fil-festival tal-Għanja tal-Poplu fejn ħadu l-premju WAFA għall-aqwa talent ġdid. Minn dak iż-żmien ’l hawn huma daqqew f’diversi postijiet, fosthom Rock the South, Teatru Unplugged, il-Farsons Great Beer Festival, l-Evenings on Campus, Notte Bianca u Kotra. Mistura ħarġu żewġ studio albums li huma “U d-Dinja Tkompli Ddur” (2014) u “Regħbus” (2018) flimkien ma’ album live ta’ kunċert fl-2016 bl-isem “U l-Kotra Għajtet f’Daqqa”. Aktar dettalji misturamalta.com.

“Nifs” new song by Mistura

Local duo Mistura has just announced the release of a new song called “Nifs”, which is the first since album Regħbus issued in 2018. With a summer theme, Mistura describe this particular 2020 season as “breathing between waves” (“nifs bejn mewġa u oħra”). The song, which has been uploaded on YouTube with a lyric music video, can be watched here: https://youtu.be/p72lUQ6dEk4

“A lot has been said about everything that is happening around us throughout this extraordinary year. We have nothing to add except some irony from the situation we are currently in with this song, which we hope people will like.”

Mistura debuted in 2012, at the L-Għanja tal-Poplu festival where they won the WAFA award for Best New Talent. Since then, they performed at a variety of venues including Rock the South, Teatru Unplugged, the Farsons Great Beer Festival, the Evenings on Campus, Notte Bianca and Kotra. They released two studio albums, “U d-Dinja Tkompli Ddur” (2014) and “Regħbus” (2018) together with a live concert album in 2016 called “U l-Kotra Għajtet f’Daqqa”. More details at misturamalta.com.

Meta bdejna bħala Mistura konna jien u Malcolm. Konna għamilna l-ewwel ftit snin naħdmu online – nibagħtu demos u tracks lil xulxin u nkomplu nibnu fuq fejn l-ieħor ikun wasal. Kif ikollna kanzunetta lesta konna ntellgħuha online immedjatament, u allura kellna ritmu ta’ kanzunetta kull ftit xhur. L-album “U d-Dinja Tkompli Ddur” (2014) ħdimnieh b’dal-mod.

Ftit ftit imbagħad inbdilna f’band, ma’ Matthew u Mark u xi drabi ma’ Cheryl, Martina, Janice, Nathalie, Francesco u Joseph. Bdejna ndoqqu ħafna live, partikolarment fl-2015, fejn bdejna anki naħdmu l-arranġamenti tal-kanzunetti ġodda ta’ dan il-perijodu fil-garaxx sakemm ħriġna “Regħbus” (2018). Il-ħoss ta’ dan l-album, fil-fatt, huwa ta’ kif konna ninstemgħu bħala band meta ndoqqu live flimkien. Min qatt daqq f’band jaf kemm esperjenza hekk taf tkun interessanti u ta’ pjaċir uniku. Il-memorji huma sbieħ u l-istejjer huma bosta, partikolarment fil-garaxx li konna napprattikaw fih Rampol Buildings Birkirkara.

Fl-2019, imbagħad, daqqejna live darba u waqafna għal diversi raġunijiet. Ħsibna li għalissa sa nibqgħu weqfin, sakemm l-2020 qalbet id-dinja ta’ kulħadd ta’ taħt fuq. Għall-ewwel xhur ma kellna ċans nagħmlu xejn minħabba impenji oħra, iżda dal-aħħar ġimgħat, kif qaleb Lulju, f’daqqa waħda qisha ġiet il-muża u erġajna skoprejna l-mod oriġinali ta’ kif konna naħdmu tmien u seba’ snin ilu u f’temp ta’ ftit ġimgħat għandna żewġ kanzunetti lesti u oħra nofs triq. U allura jien u Malcolm iddeċidejna li nerġgħu lura għal dan il-metodu. L-ewwel kanzunetta ser intellgħuha fil-ġimgħat li ġejjin u naraw fejn toħodna din l-avventura ġdida.

Aspettattivi kbar m’għandniex. Wara kollox qed nitkellmu fuq kanzunetti, aktar u aktar bil-Malti, u mhux fuq xi rocket li sejjer fuq Mars jew fuq xi kura għall-COVID. Imma bil-ftit tagħna nisperaw li jkun hemm min jieħu gost, u forsi anki jġiegħlu jaħseb xi ftit.

Jekk għadek qed taqra s’hawn isfel, grazzi. Minn dal-kanzunetti ma tieħu xejn ħlief li tiżvoga ftit li jkollok fuq moħħok, li tgħaddi siegħa żmien iddoqq u tirrekordja, u l-apprezzament ta’ nies bħalek li jsegwu li nkunu qegħdin nagħmlu.

Tislijiet,
Antonio

Il-grupp lokali Mistura ħabbar li t-tliet albums li ħarġu s’issa jinsabu u jistgħu jiġu streamed online b’mod sħiħ fl-apps tal-għażla tiegħek. Filfatt il-mużika kollha ta’ Mistura, li tammonta għal 36 kanzunetta, issa tinsab fuq Spotify, iTunes, YouTube Music, GooglePlay Music, Amazon Music, Deezer u numru ta’ apps oħra li lkoll jipprovdu servizz ta’ streaming tal-mużika. Dan jinkludi ż-żewġ studio albums, bl-isem “U d-Dinja Tkompli Ddur” (2014) u “Regħbus” (2018), flimkien ma’ album live ta’ kunċert bl-isem “U l-Kotra Għajtet f’Daqqa” (2016).

“Ħassejna li sabiex il-mużika tagħna tkun aktar aċċessibbli hemm bżonn li tkun f’idejn min jinteressah li jismana’ bil-modi differenti kollha li wieħed sar jisma’ l-mużika f’dawn iż-żminijiet. Bħala printing ta’ CDs għandna xi kopji tal-album Regħbus għal min jixtieq pero’ nifhmu li fl-2019 ħafna lanqas biss ikollhom CD Player fuq x’hiex idoqqu l-mużika. Allura dan huwa mod ieħor għalina li bih nilħqu aktar nies”.

Aktar informazzjoni dwar Mistura ssibuha fuq misturamalta.com.

Direct link to Spotify artist page HERE, YouTube Music HERE and Deezer HERE.

Mistura albums now available on Apps of Your Choice

Local band Mistura announced that its three albums are now available and can be streamed online in their entirety on the apps of your choice. In fact all Mistura tracks released to date, amounting to 36 songs, are now found on Spotify, iTunes, YouTube Music, GooglePlay Music, Amazon Music, Deezer and a number of other apps that provide this kind of music streaming service. This includes the two studio albums “U d-Dinja Tkompli Ddur” (2014) and “Regħbus” (2018), together with a live album of a concert released as “U l-Kotra Għajtet f’Daqqa” (2016).

“We felt that for the music to be accessible we need it to be in the hands of those would might be interested to listen to us through all media currently being used to listen to music. With regards to printing of CDs we still have copies of Regħbus for those interested but we understand that in 2019 many people do not even have a CD player on which to play music. This is therefore a new way for us to reach more people.”

More information about Mistura can be found at misturamalta.com.

Il-grupp lokali Mistura għadu kif nieda t-tieni video mużikali, li huwa għall-kanzunetta “Mhux Xorta” mill-album il-ġdid tagħhom “Regħbus” li ġie mniedi f’Diċembru 2018 u li jinsab għall-bejgħ.

“Kemm-il darba għedna li Walter Micallef kien ta’ influwenza kbira speċjalment fejn tidħol il-lirika bl-ilsien Malti, u din il-kanzunetta hija forsi l-aktar waħda li tmur qrib lejn l-istil niggieżi tiegħu. Il-video din id-darba ħassejna li għandu jkun aktar sempliċi biex l-enfażi filfatt tibqa’ fuq dan il-kliem u ppruvajna nwasslu l-messaġġ li l-iskrin ikompli jitniġġeż hekk kif jiġrielna f’ħajjitna kull meta naċċettaw xi ħaġa u ngħidu l-frażi “mhux xorta”.”

Mistura ddebuttaw fl-2012 fil-festival tal-Għanja tal-Poplu fejn ħadu l-premju WAFA għall-aqwa talent ġdid. Minn dak iż-żmien ’l hawn huma daqqew f’diversi postijiet, fosthom Rock the South, Teatru Unplugged, il-Farsons Great Beer Festival, l-Evenings on Campus, Notte Bianca u Kotra. Mistura ħarġu żewġ studio albums li huma “U d-Dinja Tkompli Ddur” (2014) u “Regħbus” (2018) flimkien ma’ album live ta’ kunċert fl-2016 bl-isem “U l-Kotra Għajtet f’Daqqa”. Aktar dettalji misturamalta.com.

“Mhux Xorta” the second music video by rock band Mistura

Local band Mistura have just released their second music video, this time for their song “Mhux Xorta” from their new album “Regħbus” released in December 2018 and which is currently for sale.

“We have stated many times that Walter Micallef is one of the main influences when it comes to lyrics in the Maltese language, and this song is perhaps the one that comes closest to his style. We also felt that the video should be simpler this time round so that the focus remain the lyrics and we tried to put across the message that the screen is more polluted, similar to what happens in our lives, each time we accept something and utter the words “mhux xorta”.”

Mistura debuted in 2012, at the L-Għanja tal-Poplu festival where they won the WAFA award for Best New Talent. Since then, they performed at a variety of venues including Rock the South, Teatru Unplugged, the Farsons Great Beer Festival, the Evenings on Campus, Notte Bianca and Kotra. They released two studio albums, “U d-Dinja Tkompli Ddur” (2014) and “Regħbus” (2018) together with a live concert album in 2016 called “U l-Kotra Għajtet f’Daqqa”. More details at misturamalta.com.